慶麵 (已搬遷) 新店位置

屋企附近嘅餐廳都已經食到悶悶地，就決定不如出大角咀試吓新野啦！兩個人就搭巴士出到嚟，本身諗住去奧海城求其搵間嘢食下。點知經過呢間小店，睇吓個餐牌，食碗熱辣辣嘅麵都好喎！就決定試吓呢間慶麵喇🤗佢嘅餐牌選擇唔係話好多，分別有湯麵、撈麵、冷麵同埋一啲點心類食品。我哋兩個咁大食，都知道一人一碗麵係唔夠飽㗎喇！最後帶咗兩碗麵，一個雲吞同埋一客小籠包😝大少揀咗呢款巴東牛肋條撈麵，小小辣，個牛肋條好入味而且好腍，非常值得一試！我就揀咗紅燒豬軟骨慶麵，食得出個豬軟骨唔係交貨黎嗰啲，真係自己煮嘅，軟骨唔至於好腍，但係反而有少少咬口仲特別！味道亦都啱啱好，有時好怕紅燒嘅嘢食係會好濃味！略嫌個湯就鹹咗小小喇😧搞到我要飲多杯茶嚟解係佢嘅鹹味。個小籠包真係幾驚喜！非常多嘅湯汁喺個小籠包裏面，皮薄而且湯靚嘅小籠包唔容易食到。以呢個價錢來講CP值好高呀！最後叫咗一個淨百花雲吞湯，口味嘅嘢真係人人唔同，我就好唔鍾意食呢個口感嘅雲吞，個餡好似食緊一粒墨魚丸或者蝦丸咁，仲要唔係好爽口嗰隻。但係大少就話未食過咁好味嘅雲吞，佢就係鍾意呢一種嘅口感。所以真係百貨應百客啊！湯入面嘅豆卜同埋蘿蔔都好正，都值得一試嘅！小店嘅位置唔算