餃掂手工餃子雲吞專門店 (已結業)

今晚又唔想煮飯，簡單食個餃子又一餐，餃掂係我心水選擇，主要係餃子好食又有靚湯飲。除咗個湯同餃子，仲有甜酸醃菜都係我至愛，顏色鮮豔，爽脆開胃。好鍾意叫灼餃，因為有魚湯飲，據說益氣又保健。龍鳳松茸雙灼餃$92跟湯龍鳳餃餡料係用黑松露同白松露加豬肉，皮薄隻隻飽滿帶著松露香又鮮味。芫荽豬肉餃大碗$59芫茜豬肉餃配狀元九鼎湯，真材實料餃子味道清新兼有肉香，係我最鍾意食嘅餃子之一。香煎軟心芝士餃（7隻）$55餃子煎到外皮金黃，咬落香脆，芝士可以拉絲 ，配粟米味道香而不膩。蜂蜜檸檬薏米水$28味道清香又清甜，美白又去濕，係每次必點嘅飲品。自家製山楂雪梨水$28呢個又係同桌必點，話佢開胃又消膩喎。