龍鳳餃子館 (已結業)

今日去中環食完 lunch，剪埋髮；睇 Openrice 知道呢間餐廳係新開！專程過嚟食下午茶。呢度有好幾款餃子：番茄蛋餃子、素三鮮餃子、芹菜豬肉餃子、韮菜豬肉餃子、.........餃子我都鍾意食！所以，叫咗淨餃子唔食麵！我嘅首選係素三鮮餃子，問店員雙併要幾錢？佢話今日係新開張，破例俾我雙併！ Thank you! 我叫咗：素三鮮餃子 & 芹菜豬肉餃子素三鮮餃子 ( 粉絲、甘筍、馬蹄 ) $28 ( 10 粒 )由於雙併關係，只得5 粒！以白色餃子皮包，餡份量唔少，包括-粉絲、甘筍、馬蹄、白菜仔、木耳絲。餡料切得幼細，盡見師傅刀功！即叫即烚，味道夠清又夠健康！馬蹄爽身，甘筍能帶出甜味；另外，枱面有醋，配合之後更添風味！芹菜豬肉餃子 $28 ( 10 粒 )同樣以白色餃子皮包，餡以新鮮芹菜及豬肉為主材，加上麻油。芹菜與豬肉比例均勻，芹菜仍然保持翠綠，味道突出，豬肉味鮮甜有肉汁！豬肉中有些肥豬肉，食起嚟肉質夠滑，好惹味！兩者之中，我比較鍾意素三鮮餃子，因為味道夠清又有口感！