檀島咖啡餅店 (海悅豪園)

營業中

休息中

中午時間黎親，通常都要等位，竟然今次一黎即有位。檀島雖有唔會套餐，其實黎黎去去都只係得麵類或小食，有時我都想係呢到可以有飯食下。我就揀左是日套餐o既黑椒叉燒豬扒炒意粉，朋友就揀精選套餐o既香草雞肉忌廉炒意粉。黑椒叉燒豬扒炒意粉:雖然係話配黑椒炒，一啲都唔覺有乜黑椒味，完全唔辣。意粉炒得都算幾乾身，o岩晒我平時少油o既習慣。意粉用左豉油炒，帶少少咸味，都OK。叉燒同豬扒都差唔多味，兩者主要靠豉油入味而已，肉質都算鬆軟。仲配有彩椒同冬菇絲，令成碟意粉唔駛咁 dry 。意粉份量算少，我食完都好似冇乜野落過肚咁。香草雞肉忌廉炒意粉:忌廉汁真係好 creamy，係呢度食咁多款，最好味汁醬，如果啲汁再杰啲就會更好。雞肉就有啲雪味，味道一般而已，都係靠忌廉汁吊味。意粉仲配有彩椒、蠔菇絲同洋葱絲，意粉就fresh 好多了。熱奶茶: 夠香滑，夠茶味，唔澀。