養心殿台式養生鍋 (已搬遷) 新店位置

呢度嘅設計風格，座位安排，食具選擇都算用心，有置身秦朝王宮，兵馬俑伴食感覺。湯底並唔係一般清湯，沙嗲，芫茜，所以都有啲樣樣都想試嘅衝動。坊間如果要揀特別湯底通常都只限一款，還好呢度可以試兩款。今次揀咗麻辣同美人，下次就再試其他啦！麻辣鍋可追加鴨血一次，本身對豬血有唔好回憶嘅我居然一試愛上鴨血。鴨血質地實淨，完全無腥味，加埋麻辣湯底，令人欲罷不能，由配角變全餐主角。安格斯味道一般，反而黑毛豬更滑，香味更重。蟶子肉身厚大，爽甜。萵荀鮮甜，但略嫌份量偏少。寬粉麵份量嚇親人，應該有三人份量。而附上嘅篩仔方便煮麵好細心。鮮炸響鈴純粹座近炸爐見廚師新鮮炸作，貪心而叫，係香口，可惜太飽，未能細心品嚐。而牛肉餃更見可憐，因為落漏單，上枱之時，而無心戀戰，覺得味道未見吸引。