金寶蟲草皇湯之日常 (已結業)

平時好鍾意飲湯但翻工無時間煲老火湯係時候要補一補身今次搵到間即製手工燉湯糖水亦係即叫即燉絕無添加劑 訂左幾款試🔸滋陰清熱養顏花膠烏雞湯 $68/500ml碗湯好足料！個湯好清甜，用咗竹絲雞同花膠一齊煲，雞肉質鮮嫩，花膠都好嫩滑，兩者相輔相成，味道更加突出。仲有印度椰子、紅棗煲，紅棗令湯汁甜而不膩。呢個湯有滋補功效，真係值得推介！🔸紐西蘭花膠牛奶美顏糖水 $88用咗紐西蘭花膠、北海道3.6牛奶、蓮子、百合、紅棗煮成。呢款係燉奶嘅質感，超滑溜，絕對係滋陰養顏嘅糖水！🔸養顏潤肺杏仁露 $38杏仁露口感好滑順，唔會有任何顆粒嘅感覺。杏仁味濃，而且仲有淡淡嘅甜味，凍食好消暑解渴。🔸靈芝石斛龜靈膏 $88龜靈膏口感順滑，藥材味唔會太濃烈，而且都唔會太甜，可以滋陰補虛，幫助身體調理，對於長期熬夜、工作壓力大嘅人士，食呢款龜靈膏可以幫助身體恢復元氣。