101台灣養生湯麵 (已結業)

新年流流熱氣野食得太多, 唔知食咩好行經堅尼地城, 見到新開咗呢間101台灣養生麵仲未試過, 一於去試試<台灣藥膳蟲草花農場雞湯米線>台灣藥膳蟲草花農場雞湯米線味道比較清淡, 湯底熱辣辣而且甜甜地裏面嘅米線份量唔算太多, 仲加入左蟲草花、黑木耳同雞肉, 做午餐都夠飽嘅<台灣藥膳麻辣湯農場雞米線>唔太鍾意食藥膳湯底嘅朋友可以試吓麻辣口味辣度有分小辣、中辣同大辣大食妹帶咗份小辣, 湯底甜甜辣辣好得意配搭米線一啲都唔會有違和感<滷水豬大腸>嗌咗湯米線, 可以以優惠價加配小食滷水豬大腸軟爛入味, 份量好多<藥膳上湯白菜豬肉餃>想食健康少少嘅朋友可以試吓藥膳上湯白菜豬肉餃湯底有少少似台灣藥膳蟲草花農場雞湯米線, 但味道再甜啲, 白菜豬肉餃都有成五六隻