影片
更多
2019-04-05
283 瀏覽
2019年3月28日 星期四今晚約咗女朋友同埋一班舊同事一齊去打邊爐，順便聚下舊，傾吓計。揀咗旺角嘅養心殿，因為網上面見好多人都話性價比好高。位置唔算太難搵，電梯一上到去就見到等左一陣就有位坐，店員即刻俾咗餐牌我哋，上面有好多唔同嘅食物架，見到有啲食物係普通酒樓冇嘅，就好似台灣冰菜，甚至係湯底都同普通酒樓唔同我哋叫咗個寧神養心鍋，黎到嘅時候見到裏便好足料，有當歸同其他藥材，仲見到有隻雞喺裏面，聽店員講湯底仲用咗鮮魚熬製而成，所以個湯底有奶白色，飲咗少少覺得好甜首先嚟嘅係餃子拼盤，因為唔知咩餃好，所以每樣都試啲，有雲吞、韭菜餃、水餃等等，每一舊都包得好大隻，所以淥熟咗之後一咬落去裏面嘅料即刻爆曬出嚟，裏面充滿肉汁，雲吞裏面有好大隻蝦手工丸拼盤都係因為唔知揀咩丸食好，所以諗住每樣都試吓。有墨魚丸、蝦丸、牛肉丸等等，睇得出每粒都係人手整出黎，淥熟後仲係好完整，咬落好彈牙，其中墨魚丸食落去仲好爽口添，好有墨魚味日本生蠔，諗住叫少少嚟試吓，冇諗過咁大隻，而且食落去仲好鮮甜，有淡淡海水味雪花肥牛一嚟到嘅時候嚇咗一跳，因為牛肉上面嘅紋理分布得好均勻，所以食落去嘅時候肉質同脂肪嘅比例啱啱好，唔會太過老
今晚約咗女朋友同埋一班舊同事一齊去打邊爐，順便聚下舊，傾吓計。揀咗旺角嘅養心殿，因為網上面見好多人都話性價比好高。
位置唔算太難搵，電梯一上到去就見到
等左一陣就有位坐，店員即刻俾咗餐牌我哋，上面有好多唔同嘅食物架，見到有啲食物係普通酒樓冇嘅，就好似台灣冰菜，甚至係湯底都同普通酒樓唔同
寧神養心鍋
$168
16 瀏覽
0 讚好
0 留言
我哋叫咗個寧神養心鍋，黎到嘅時候見到裏便好足料，有當歸同其他藥材，仲見到有隻雞喺裏面，聽店員講湯底仲用咗鮮魚熬製而成，所以個湯底有奶白色，飲咗少少覺得好甜
餃子拼盤
$118
23 瀏覽
0 讚好
0 留言
首先嚟嘅係餃子拼盤，因為唔知咩餃好，所以每樣都試啲，有雲吞、韭菜餃、水餃等等，每一舊都包得好大隻，所以淥熟咗之後一咬落去裏面嘅料即刻爆曬出嚟，裏面充滿肉汁，雲吞裏面有好大隻蝦
手工丸拼盤
$108
33 瀏覽
0 讚好
0 留言
手工丸拼盤都係因為唔知揀咩丸食好，所以諗住每樣都試吓。有墨魚丸、蝦丸、牛肉丸等等，睇得出每粒都係人手整出黎，淥熟後仲係好完整，咬落好彈牙，其中墨魚丸食落去仲好爽口添，好有墨魚味
日本生蠔
$138
31 瀏覽
0 讚好
0 留言
日本生蠔，諗住叫少少嚟試吓，冇諗過咁大隻，而且食落去仲好鮮甜，有淡淡海水味
雪花肥牛
$188
16 瀏覽
0 讚好
0 留言
雪花肥牛一嚟到嘅時候嚇咗一跳，因為牛肉上面嘅紋理分布得好均勻，所以食落去嘅時候肉質同脂肪嘅比例啱啱好，唔會太過老或者太多肥膏
嘉美農場雞
$108
26 瀏覽
0 讚好
0 留言
雞肉方面，餐牌寫住係嘉美農場雞，雖然我唔知道同普通嘅雞有咩分別，不過食落去真係滑嫩d，好似每一舊都係雞脾肉咁
台灣冰菜
$78
12 瀏覽
0 讚好
0 留言
蔬菜方面叫咗台灣冰菜，香港好少地方可以食到，佢比一般嘅菜脆身一啲，食落去比較爽口，好新鮮
紫淮山麵
$38
24 瀏覽
0 讚好
0 留言
最後叫咗個紫淮山麵，食落去好特別，冇烏冬咁滑溜，比較有咬口，但應該健康過即食麵
最後每人食咗三百幾蚊，飽住個肚走，又吹夠水，好滿足嘅一晚！！
張貼
