橫浜街場 (已結業)

今日好友升職加人工請我去食好嘢！ 我哋去咗《橫濱街場》食火鍋， 餐廳裝修特別， 用了籃球街場做主題，有鐵絲網、籃球同籃球架等等。 嘩， 來了一個杉木木桶作火鍋， 原來好有功效㗎！ 杉木原來好有養生功效， 仲可以消除疲勞，緩解壓力， 係一個不上火火鍋， 仲可以養生添！ 原來個木桶係雙層設計，內有多個小孔，湯從底部抽上， 油便隔開，當湯滾時， 清湯就湧出， 用湯匙成起清湯，好正！ 今晚揀咗個海鮮火鍋套餐， 湯底係《花膠螺頭雞鍋》， 味道相當鮮甜， 真係好凊， 花膠養顏， 女士恩物，要飲多啖先！ 首先來了個《海鮮拼盤》， 材料豐富，有大大隻龍蝦， 每人有半隻，龍蝦十分多膏， 仲有鮮甜象拔蚌、大蝦、蜆同肥美大蠔， 正呀！ 再來一碟《手工拼盤》， 大大碟， 有手打丸同即包餃子， 各種食物都好平均， 味道好食呀！ 我最愛就係《炸物拼盤》嘅響鈴同魚皮， 上枱時熱辣辣， 炸得香脆可口， 口感鬆脆， 放入湯滾一滾， 吸收哂湯汁嘅精華，就更加好味啦！肉類係三揀一， 我揀咗《手切安格斯Prime Grade牛頸脊肥牛片》， 脂肪分佈均衡，肉質嫩滑， 牛味香濃， 好食！ 仲有好多火鍋配料， 用手機下單便可，