伍佰海鮮火鍋

營業中

休息中

餐廳環境比較闊落之餘仲有大電視睇，如果睇住波打邊爐應該都幾過癮，想自成一角嘅話仲有獨立房間提供，而且仲可以唱 K 添。同朋友都比較細食所以叫咗 $298 套餐，套餐有刺身拼盤、時令海鮮同火鍋。火鍋方面有五款湯底提供，另跟六款自選火鍋食品，蔬菜同飲品都係無限量供應，我哋叫咗黑毛豬、安格斯牛、羊肉片、魚三角、鮮蝦雲吞等等，可惜魚三角已經賣晒，試唔到個限量供應。火鍋湯底揀咗清潤海底椰雞腳鍋，湯底味道超級濃郁，呢個真係值得推介。其他肉類，餃類落單無耐都好快送上。