娜姐健康糖水

營業中

休息中

見元朗谷友力推娜姐糖水，是日就黎左試下。小店主打外賣，堂食只有四個位，堂唔堂食到就睇緣份啦。先試試碗自製黑白涼粉，講明係自製就真係由涼粉做起，自家用涼粉草煲出黎㗎，口感比坊間賣的涼粉嫩滑綿軟，白涼粉望落晶瑩透澈，黑涼粉亦較常見的色淡一點，散發出黑珍珠般的光澤感，而此碗涼粉的甜味用上了桂花蜂蜜，甜而不膩亦帶有淡淡的桂花香，可以排毒美顏啦。另一碗係熱的桃膠雪耳紅棗杞子，桃膠圓圓的差不多有桂圓般大小，半透明呈琥珀棕色，用上高級貨呢。碗內雪耳很多，咬落柔軟但仍富有彈性。糖水呈黃色，因為由片糖煮成的，有補血暖脾作用。糖水食得出真材實料，經店家解說後先知原來仲有咁多功用，真係長知識了，唔係淨係饞嘴先食㗎。