好茶養生 (MOKO新世紀廣場) (已結業)

今日嚟旺角MOKO行街，有少少肚餓就嚟食個輕量下午茶，店如其名，除咗常見嘅手搖飲品，主打係養生茶，有不同功效，如果試過啱飲仲可以買返去沖嚟飲。王牌養血茶材料豐富，有桂圓、紅棗、千日紅、康仙花、冰糖、金盞菊、玫瑰花、黑枸杞，具補血補氣、調經止痛、理氣散瘀、暖宮驅寒的功效，係女士恩物，唔會好甜，紅棗等材料都可以食埋。🌹玫瑰荔枝慕絲蛋糕🍰外型做到好似玫瑰花咁，裏面係荔枝啫喱，酸酸甜甜帶少少玫瑰香味，甜度適中。🍓士多啤梨千層批千層皮酥脆，中間忌廉都幾細滑，如果上面係原粒士多啤梨再沈少少糖霜做到好似落雪嘅效果就更完美。🍊🍍🍎🥒水果茶水果茶味道比較淡，用嘅水果種類有橙，乾菠蘿片，青瓜，熱情果，不過份量太少，未能突出水果鮮味，茶味反而比較濃，但整體味道清甜，生津解渴。