BnR (已結業)

係荃灣廣場附近發現呢間餐廳，裝修好似cafe, 原來係食米線，多款健康湯底，仲有海南雞飯、泡飯、小食等等。。手工韭菜餃米線 $56湯底可以揀濃湯雞/魚、藥膳湯、冬陰公湯、五指毛桃湯或胡椒豬肚湯。麵底可轉河粉、泡飯、淮山麵。最後揀左冬陰公湯米線，冬陰公夠辣又夠酸，仲有蕃茄。米線煙煙韌韌有咬口，唔錯。韭菜餃好足料。配料有條油炸鬼，吸哂啲湯，正。。波波雞飯 $65波波狀嘅雞飯好搞笑，賣相好特別，食落有雞油香。雞件係黃油雞幾滑。醬汁好特別，食落有洋蔥香味，啱哂撈飯同點雞。。炸雲吞 $42個樣同平時嘅炸雲吞唔同，一塊塊正方形，似放大左嘅腐皮角。外層好脆，包住蝦膠。推介！。冷泡烏龍茶 $28