更多
2021-05-08
29 瀏覽
最近喺外面食得太唔健康啦,係天后發現一間主打養生湯米線嘅餐廳,補一補身先!湯底鮮甜,足料,價錢公道,好抵食!餐廳裝修新淨,座位足夠。花膠醉雞湯米線 $70湯底配料有紅棗,木耳,杞子,龍眼,芫荽等等,好足料,湯底好鮮甜。花膠有成三四塊,好爽滑。醉雞肉好鮮嫩,都有四五舊,好抵食!米線煮較軟糯,好掛湯。蕃茄麻辣農場雞湯米線$60蕃茄湯底好濃郁,真係有新鮮蕃茄喺入邊。叫咗中辣,辣道啱啱好,但唔係好麻。配料有木耳,芫荽,雞肉同樣有四五舊。滷水雞翼 $26雞翼有三隻,滷水味入味,雞肉滑嫩,好好味。麻辣木耳$26木耳大大塊,爽滑又香辣,份量仲好多添,食到好飽啊!
張貼