好茶養生 (MOKO新世紀廣場) (已結業)

曾幾何時我係每日一奶茶嘅生活，可惜人越大就越珍惜身體，近年更加同凍飲幾乎斷絕關係😂。今日行MOKO見到哩間茶飲店，見招牌大大個"養生"，真系受唔住誘惑走咗入去。見到menu每杯野飲都完全冇罪惡感，而且好岩女士養身養生，於是兩人分別order咗個皇牌氣血茶同蘋果養顏茶，店員知道我又驚凍又驚熱，於是特別整咗個常溫版本比我，仲有少糖版本😱，完全係我需要嘅野！而隸屬外貌協會嘅我😂😂即刻比個玫瑰荔枝慕斯蛋糕吸引咗，同行朋友就要咗個士多啤梨千層蛋糕。我個人好中意個玫瑰荔枝慕斯蛋糕，每啖食落都有啖啖嘅花香，好有少女心。反而個千層批可能因為放耐咗，已經唔脆。而我最欣賞哩間鋪，反而系佢有好多養生茶飲禮盒，種類多樣，想養顏又得，想養生又得，而且個packing做到超靚，送禮自用都好開心❤❤❤，就嚟聖誕節，用佢送禮真系好得體！