麵館皇

營業中

休息中

星期六下午經過呢間舖頭，聞到好濃烈嘅藥材味，因為本人都幾鍾意食啲藥膳嘅嘢，所以就俾佢吸引左入去，入面裝修簡潔，不過啲座位擺得有啲迫，冇辦法喇，銅鑼灣呀嘛。聽講平時一至五lunch hour排隊排到嘔。我哋兩個人叫左個醉雞刀削麵同雲吞拉麵，醉雞都幾大份，雞夠嫩，不過略嫌酒味就唔夠重，刀削麵係呢度特色之一，麵厚薄適中，唔會好似成舊麵粉咁，至於個湯就藥材味好重，感覺好滋補。另外，雲吞拉麵就不過不失咁喇。因為個麵係用個好熱嘅砂窩上，所以個温度可以keep得耐啲。