啖啖燕窩 (永顯工業大廈)

營業中

休息中

好耐冇過嚟補一下啦，估唔到淡淡燕窩喺新蒲崗開咗新分店，作為粉絲嘅我梗係去支持一下。佢地嘅甜品係每日鮮製，所以我首先叫咗一個芝士奶蓋燉蛋，佢嘅芝士奶蓋超級濃郁，配埋燉到啱啱好嘅蛋，有唔錯嘅配搭同驚喜。另外我仲叫左個3.6牛奶木瓜燉，燉得好入味，好好飲！淨係食甜品會有少少唔夠喉，所以我叫咗一個麻辣雞翼尖作為小食，少少辣幾惹味，而且勁多蒜蓉，所以好入味。最後，我仲叫左膠原蛋白濃雞湯，佢材料有真正嘅魚翅…骨，所以好正，好香魚味同雞味，感覺好補身同時你只要買滿$150就可以抽獎一次，只要你買外賣嘅話，咁就會送北海道3.6牛乳鮮奶凍換領卷，免費拎多一個甜品，超開心！