GOCHISO (已結業)

約咗朋友响尖沙咀食飯醫肚，跟住去紅館睇演唱會。見呢間裝修幾時尚，就入去試吓。牛油果三文魚沙律，牛油果同三文魚根本就係穩陣嘅配搭，點解呢度都可以拆散呢對絕配？食落去冇咩味道白酒煮青口，呢個菜式係我心目中唔難煮，但係呢度嗰青口得三個字，鹹！鹹！鹹！好重要所以要講三次。大蝦牛油果意粉，味道較為正常嘅一碟，但係分量偏少其實我哋都未食飽，但係已經唔敢再叫第四道菜啦，早走早着，出去食碗麵冇咁嬲真心唔明點解呢間餐廳仲可以有幾間分店。