影片
更多
2020-08-15
346 瀏覽
今日係星期六，係限聚令底下所有食肆只限二人用膳以及餐廳內用膳人數唔可以多過五成。所以我同朋友就喺門口等我左大約15分鐘就能入座。不過入座後換來嘅係難受嘅開始我同朋友都好少影開相，所以今次係純文字分享。當坐低嘅時候發現沙發同枱面未有潔淨嘅情況，只要唔係太過分我地都覺得冇所謂所以冇出聲。叫咗兩個lunch set，價錢係平嘅大約二百零蚊就有頭盤主菜同甜品。呢一樣野係值得讚嘅地方。食物方面質素係冇問題嘅，我哋叫咗個羽衣甘藍雞肉沙律作為頭盤，肉眼扒仲有一份香煎魚柳作為主菜。甜品揀咗燉蛋同埋蘋果撻。已二百零蚊呢個價錢來講係值得嘅而且味道確係不錯，牛扒大約七成熟左右。但係分量同埋食物選擇對於我哋來講覺得實在太少。❗️❗️❗️重點係除咗門口侍應有少少禮貌之外，其他大部份嘅侍應絕對係冇禮貌冇笑容完全感受唔到基本及應有嘅服務態度。呢間餐廳絕對唔應該喺太古廣場呢類高級商場出現，因為好容易係會惹來投訴。額外叫咗杯mocktail，個外籍侍應好輕佻咁經過枱面隨手放低就算數，完全仲衰過茶餐廳侍應。其他員工亦都喺度大聲講大聲笑，完全係冇尊重過在場嘅客人同埋呢一間鋪亦都冇尊重過自己。有見及此本人會將呢一間餐廳列為黑名單，
所以我同朋友就喺門口等我左大約15分鐘就能入座。不過入座後換來嘅係難受嘅開始
我同朋友都好少影開相，所以今次係純文字分享。當坐低嘅時候發現沙發同枱面未有潔淨嘅情況，只要唔係太過分我地都覺得冇所謂所以冇出聲。
叫咗兩個lunch set，價錢係平嘅大約二百零蚊就有頭盤主菜同甜品。呢一樣野係值得讚嘅地方。
食物方面質素係冇問題嘅，我哋叫咗個羽衣甘藍雞肉沙律作為頭盤，肉眼扒仲有一份香煎魚柳作為主菜。甜品揀咗燉蛋同埋蘋果撻。已二百零蚊呢個價錢來講係值得嘅而且味道確係不錯，牛扒大約七成熟左右。但係分量同埋食物選擇對於我哋來講覺得實在太少。
❗️❗️❗️
重點係除咗門口侍應有少少禮貌之外，其他大部份嘅侍應絕對係冇禮貌冇笑容完全感受唔到基本及應有嘅服務態度。呢間餐廳絕對唔應該喺太古廣場呢類高級商場出現，因為好容易係會惹來投訴。額外叫咗杯mocktail，個外籍侍應好輕佻咁經過枱面隨手放低就算數，完全仲衰過茶餐廳侍應。其他員工亦都喺度大聲講大聲笑，完全係冇尊重過在場嘅客人同埋呢一間鋪亦都冇尊重過自己。
有見及此本人會將呢一間餐廳列為黑名單，自己唔會再去亦都唔會推薦任何身邊人及朋友去呢一間餐廳用膳。
純粹個人感受，多謝收看。
張貼