影片
更多
2024-02-06
40 瀏覽
今次我地去咗南昌Vwalk食呢間新開無耐既福岡漢堡扒，見佢叫福岡以為係一間日本餐廳其實佢係一間韓式餐廳嚟架，見佢門口，店內，餐牌都寫韓文反而唔係日文😮今次我哋嗌咗個二人套餐 Set 2 ($355)包兩份漢堡一個特色飯同埋兩杯飲品介紹嘢食之前要講下佢嘅食法先！唔知大家有冇去過福岡旅行？佢個食法就係參考博多一間叫極味既餐廳🤪 個漢堡會連埋熱石頭一齊上枱，而你就需要用個鏟仔將個漢堡分成細份，然後將啲肉分批放上熱石上面煎熟佢，好考大家既功夫架！芝士蛋蒜和牛漢堡呢個都算係呢間餐廳嘅招牌食物！漢堡用既係和牛，啲肉肥瘦均勻口感十分之好，牛味亦都好突出！芝士好容易拉到絲出嚟而啲蒜片亦都好香脆，一啖漢堡一啖蛋，咁樣食法零舍有滋味🧀墨西哥辣椒和牛漢堡墨西哥辣椒唔算太辣但個辣度好刺激到個食慾！將辣椒撈埋漢堡同埋蛋一齊食，成個墨西哥風味走晒出曬嚟，鍾意食辣嘅朋友就一定唔可以錯過🌶️和牛乒乒乓拌飯上面嘅和牛粒炒得十分之香口，加上拌飯嘅靈魂韓式拌飯醬撈埋其他配料一齊食，成個飯都韓氣逼人，十分之開胃😋西柚特飲套餐就包普通罐裝飲品，我地想飲特飲加$18就ok，仲要好大杯，上枱個陣都比佢個size嚇一嚇！呢杯西柚特飲唔
今次我哋嗌咗個二人套餐 Set 2 ($355)包兩份漢堡一個特色飯同埋兩杯飲品
介紹嘢食之前要講下佢嘅食法先！唔知大家有冇去過福岡旅行？佢個食法就係參考博多一間叫極味既餐廳🤪 個漢堡會連埋熱石頭一齊上枱，而你就需要用個鏟仔將個漢堡分成細份，然後將啲肉分批放上熱石上面煎熟佢，好考大家既功夫架！
芝士蛋蒜和牛漢堡
呢個都算係呢間餐廳嘅招牌食物！漢堡用既係和牛，啲肉肥瘦均勻口感十分之好，牛味亦都好突出！芝士好容易拉到絲出嚟而啲蒜片亦都好香脆，一啖漢堡一啖蛋，咁樣食法零舍有滋味🧀
墨西哥辣椒和牛漢堡
墨西哥辣椒唔算太辣但個辣度好刺激到個食慾！將辣椒撈埋漢堡同埋蛋一齊食，成個墨西哥風味走晒出曬嚟，鍾意食辣嘅朋友就一定唔可以錯過🌶️
和牛乒乒乓拌飯
上面嘅和牛粒炒得十分之香口，加上拌飯嘅靈魂韓式拌飯醬撈埋其他配料一齊食，成個飯都韓氣逼人，十分之開胃😋
西柚特飲
套餐就包普通罐裝飲品，我地想飲特飲加$18就ok，仲要好大杯，上枱個陣都比佢個size嚇一嚇！呢杯西柚特飲唔會好甜，如果驚甜仲有檸檬比你篤埋調節個甜度！滿滿嘅西柚香味解油膩一流🍹
金橘檸檬特飲
酸酸甜甜，如果之前嘅辣椒同埋拌飯太辣 呢個特飲完全可以幫你解辣，正🍹
最後都想講下呢度嘅店員服務，佢哋會定時過嚟同你更換已經冷卻咗嘅熱石，仲細心提示啲肉落落去3秒就要翻去另一面！成個服務態度值得一讚👍🏻
張貼
