GOCHISO (已結業)

好難得一家三口齊人食飯，又想呀媽休息下就建議出黎食呢間沙田新開既餐廳。先講一下好貴既T骨扒，第一個失望，上菜時已經即食，但完全唔夠熱，好似攤左好耐先上菜。牛扒冇乜牛味，冇肉汁，而且好薄，完全唔值呢個價。羅勒醬海老牛油果意粉，又一個失望之作，一上枱已經係相中既樣，同茶餐廳賣相冇分別，而且又係攤到凍哂先上菜。意粉麵質唔錯，煮得岩岩好（少少硬）蝦唔算多，見到有牛油果粒粒，味啖。唉，pizza 又係凍的！pizza 底是薄脆的，相已經睇到料唔多，一片都冇一隻蝦，蕃茄汁唔夠，最中間的餅底因為有汁所以係軟的，餅邊先至係脆，還可以接受。最後呢個order 錯了的魚是全餐最滿意的，尤其係個焗薯最夠熱，拌上沙律醬，酸酸的好開胃。煎過的魚好香，而且比一般魚柳厚身，不過魚味唔太重。總結黎講，呢間唔值得再去。