影片
更多
2014-06-30
4923 瀏覽
好耐之前已經係網上面見過呢間樓上Café嘅相，想試好耐。呢到吸引我嘅地方主要係佢個裝潢，係相已經睇到有一個田園風味十足嘅油畫做背景。最近家姐生日，決定要一家人去試一試！當日朝早打去訂枱，侍應都好Nice咁問我有無人生日，話到時會幫我係蛋糕碟上面寫返個名、Happy Birthday同埋插支蠟燭。平時去開嘅樓上Café通常都係一整層，但係呢到只係一個單位。當日８點鍾左右到左，一推開門真係有小小嚇親。Café內只有一個好細嘅廚房、２張長方形枱及３張圓形枱。侍應安排左張圓枱比我地。Set Dinner包括：餐湯／沙拉、餐包、主菜（四選一）「鮮茄大蝦長通粉、煙三文魚白汁長通粉、黑松露煙肉長通粉及PAMA HAM長通粉」、餐飲及蛋糕一件。最後我地決定左要4個Set Dinner，咁就可以4款主菜都試晒！首先，侍應為我地上左3個南瓜湯，1個煙鴨胸沙拉同4個牛角包。我本身好鍾意食牛角包，加上呢到嘅牛角包熱熱地又好鬆軟，真係好好食！！！煙鴨胸沙拉無咩特別，好正常。但係個南瓜湯就真係麻麻地，我唔知點解飲落有小小苦味，可能係個南瓜唔靚。之後開始上主菜，侍應好好咁問我地係米Share食，咁佢就先上2碟比我地
當日朝早打去訂枱，侍應都好Nice咁問我有無人生日，話到時會幫我係蛋糕碟上面寫返個名、Happy Birthday同埋插支蠟燭。
平時去開嘅樓上Café通常都係一整層，但係呢到只係一個單位。當日８點鍾左右到左，一推開門真係有小小嚇親。Café內只有一個好細嘅廚房、２張長方形枱及３張圓形枱。侍應安排左張圓枱比我地。Set Dinner包括：餐湯／沙拉、餐包、主菜（四選一）「鮮茄大蝦長通粉、煙三文魚白汁長通粉、黑松露煙肉長通粉及PAMA HAM長通粉」、餐飲及蛋糕一件。
最後我地決定左要4個Set Dinner，咁就可以4款主菜都試晒！首先，侍應為我地上左3個南瓜湯，1個煙鴨胸沙拉同4個牛角包。我本身好鍾意食牛角包，加上呢到嘅牛角包熱熱地又好鬆軟，真係好好食！！！煙鴨胸沙拉無咩特別，好正常。但係個南瓜湯就真係麻麻地，我唔知點解飲落有小小苦味，可能係個南瓜唔靚。
之後開始上主菜，侍應好好咁問我地係米Share食，咁佢就先上2碟比我地。因為張枱真係太細但係碟又太大，所以其實上住2個先都好迫。PAMA HAM長通粉，通粉無味同埋得個油字；鮮茄大蝦長通粉就太甜，完全唔係蕃茄味；煙三文魚白汁長通粉同黑松露煙肉長通粉意味道還可以。但係重點係４個長通粉都有一個共通點，就係長通粉太硬，根本未熟透就上碟。真係令人好失望！！
餐飲方面點左Rose Latte，椰子咖啡同2杯熱朱古力。椰子咖啡有個貓仔拉花都幾得意，不過我就唔係咁鍾意椰子味。但係Rose Latte味道唔錯，而且聞落都有淡淡玫瑰香味。相反熱朱古力我就覺得麻麻地。
最後，上左4件蛋糕：Green Tea Mousse Cake、Tofu Mousse Cake、Mango Mousse Cake同Pear Mousse Cake。Tofu Mousse Cake同Green Tea Mousse Cake最好，味道較濃郁又唔會太甜。諗坐都係坐多一陣就埋單走，果時講緊都只不過係9點三四個字，杯咖啡都重有小小係到。侍應就已經過叫我地埋左張單先，我明白你地地方淺窄，想快啲空返張枱做多單生意。但係我打黎訂枱果時你叫我地盡量準時又無同我講要幾點交返張枱。我地最多都係因為等𨋢而遲左兩三分鐘。我第一次去樓上Café比人叫我埋單，好似趕我地走咁！！
張貼
