Little Vegas

營業中

休息中

今時今日食飯除咗質素好，可以打卡絕對令到餐廳加分，呢間餐廳絕對滿足到我嘅打卡慾望，餐廳環境七彩繽紛，多個打卡位，之前試過晚餐因為太多人有啲位影唔到，今次lunch time去食，全部都影到，價錢仲要比食晚餐優惠，食得好開心啲相又好靚呀。Lunch time價錢優惠，而且選擇多，叫咗個焗鱸魚，大大份，原來配埋薯角同沙律，食完都好飽肚。另外叫咗個小牛扒早餐，小牛扒唔會全熟，但牛味濃郁，好好味。初頭我哋擔心唔夠食，所以叫咗個雞翼小食同埋薯條，原來每個午餐一係配薯角一係配薯餅，都已經好足夠，不過薯條新鮮炸起亦都好好味，強烈推介袖子雞翼，雞翼本身辣辣地，配甜甜地嘅柚子醬，超級好味，一定要試。餐廳多個打卡位，夠晒特別，非常靚，食物質素亦都十分好，不過可能係平日lunch time原來唔係咁多人，這類型嘅靚靚嘅良心餐廳，有得打卡食物質素又好，大家一定要多多支持。