影片
更多
2023-07-28
2115 瀏覽
🌟餐廳：Cafe Deco Pizzeria📍地址 : 尖沙咀柯士甸道西1號ELEMENTS圓方火區2樓2133號舖💰價位：～$200- $400⏰營業時間：星期一至日 11:30 - 21:30 📱電話：21968099難得今日準時收工，當然就要約埋班friend聚一聚歎返餐，傾吓偈先～朋友揀咗呢間位於Element 既「Cafe Deco Pizzeria」，地點夠晒方便，餐廳最近主打Summer Truffle Set Menu，啱晒我呢個黑松露控haha，即刻去品嚐下先~———————————————————🌟Summer Truffle Set Menu🌟(For 2 Persons)🔹新鮮雜菜沙律 - 沙律菜新鮮爽脆，上邊仲加咗黑松露片，香氣撲鼻，配搭車厘茄及沙律菜，酸酸甜甜夠晒開胃~———————————————————🔹鮮奶泡沫松露蘑菇湯呢款蘑菇湯材料夠哂豐富，加入大量蘑菇打成蓉熬煮，淡淡蘑菇香氣十足，入口濃稠，餐廳仲提供烤焗脆脆麵包，索盡松露蘑菇湯嘅精華，食得好滿足～———————————————————🔹松露芝士薯條極邪惡小食～即炸嘅薯條熱辣辣脆卜卜，上層灑
📍地址 : 尖沙咀柯士甸道西1號ELEMENTS圓方火區2樓2133號舖
💰價位：～$200- $400
⏰營業時間：星期一至日 11:30 - 21:30
📱電話：21968099
難得今日準時收工，當然就要約埋班friend聚一聚歎返餐，傾吓偈先～朋友揀咗呢間位於Element 既「Cafe Deco Pizzeria」，地點夠晒方便，餐廳最近主打Summer Truffle Set Menu，啱晒我呢個黑松露控haha，即刻去品嚐下先~
———————————————————🌟Summer Truffle Set Menu🌟(For 2 Persons)
🔹新鮮雜菜沙律 - 沙律菜新鮮爽脆，上邊仲加咗黑松露片，香氣撲鼻，配搭車厘茄及沙律菜，酸酸甜甜夠晒開胃~
———————————————————🔹鮮奶泡沫松露蘑菇湯
呢款蘑菇湯材料夠哂豐富，加入大量蘑菇打成蓉熬煮，淡淡蘑菇香氣十足，入口濃稠，餐廳仲提供烤焗脆脆麵包，索盡松露蘑菇湯嘅精華，食得好滿足～
———————————————————🔹松露芝士薯條
極邪惡小食～即炸嘅薯條熱辣辣脆卜卜，上層灑滿大量黑松露鹽，食落份外惹味，必試～
———————————————————🔹 烤牛骨髓伴紅酒牛肋黑松露
別出心裁既菜式～大大條牛骨髓，加入燉牛肋肉絲及黑松露醬烤焗，油香味濃，搭配酸種麵包，入口充滿牛脂香氣，令人回味無窮～
———————————————————🔹黑松露火腿薄餅
呢度嘅即烤薄餅係餐廳招牌菜式之一～店員即席於半開放式廚房主理薄餅，漂來陣陣烤焗香氣，令人食慾大增～薄餅嘅餅底厚度適中，入口煙煙韌韌，上層加入大量巴馬火腿，夠晒吸睛，當然唔少得一片片嘅黑松露片，鹹香味十足，大推！
———————————————————🔹黑松露煙肉忌廉芝士意粉
醬汁夠哂creamy，煙肉既油脂令意粉入口更滑順，搭配新鮮黑松露片，香氣十足，每一啖都感受到濃濃既菇菌香氣，夠哂滿足~
———————————————————為食嘅我地，一款套餐又點夠滿足到我哋，一於再喺餐牌揀多一啲餐廳主打嘅菜式先～
———————————————————
🔹蕃茄水牛芝士沙律
鍾意食蕃茄嘅朋友啱晒～餐廳以紅、黃及黑車厘茄入饌，每款蕃茄酸甜度不一，爽脆又多汁，水牛芝士口感棉密，奶味香濃，呢個組合好正～
———————————————————🔹夏威夷風光薄餅
試完鹹香味濃嘅黑松露火腿薄餅之後，一於叫埋呢一款微微酸又開胃嘅夏威夷風光薄餅先～上層鋪滿火腿及菠蘿等配料，搭配酸酸甜甜嘅意式千島醬，再鋪滿拉絲芝士，味道濃郁，好正！
———————————————————🔹海鮮意大利燴飯
Risotto入口帶點嚼勁，飯粒索滿忌廉海鮮精華，入口好滋味～海鮮有齊大蝦、蜆肉及魷魚，用料豐富，鮮味十足～
———————————————————🔹Dessert - Gelato Cup
最後當然唔少得試埋餐廳特色自家製既Gelato，咁先夠滿足～我哋叫齊85%朱古力、雲呢拿及Earl Grey Tea 等口味，開心share！我就最鍾意Earl Grey Tea 口味，除咗入口充滿濃濃茶香之外，餐廳仲好有心思咁加入Earl Grey茶葉粉，增強口感及層次感！
———————————————————😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳位於Element戲院對面，位置方便又易搵～食物方面，主打意式風味美食，特別推介呢度既即烤薄餅及迎合夏季主打嘅Truffle 套餐，食物種類多元化之餘，而且性價比十足～半開放式嘅廚房，更可觀摩店員即席烤制薄餅，好特別～
張貼
