唐宮小聚 (荃新天地)

營業中

休息中

荃新天地一向有好多美食，同媽咪行行吓街見到角落頭位置有一間中菜館裝修好精緻，而且有氣派，吸引左我地入去。估唔到餐廳環境咁大，由門口嘅酒水吧，直入轉右一路直行到尾，原來深處還有更深，而且座位幾乎爆滿，可見餐廳幾受歡迎。餐紙大大張一共有兩頁紙，實在太多選擇了。首先就叫咗兩份點心，包括泡菜燒賣同埋點來聚聚。泡菜燒賣一籠有三件，因為我哋有四個人，所以我哋總共叫咗兩籠，總共有六粒。人生第一次食泡菜做餡料嘅燒賣，燒賣呈現黑色嘅外皮，入面有好多豬肉同埋泡菜，有少少辣嘅味道，非常開胃。小蠔煎餅🥞炸成金黃色，食落去非常香脆可口，而且入面嘅蠔仔份量都比較多，非常足料。甜品當中我比較鍾意同埋欣賞棗蓉合桃，最得意嘅係啡色盒入面，除咗有三粒食得嘅棗蓉合桃之外，底下仲有啲假嘅合桃，如果一唔留神，真係會攞咗下面啲假嘅嚟食。棗蓉合桃食落去外皮非常鬆化，非常脆口，入面嘅棗蓉有入口即溶嘅口感，好特別。除此之外，仲Order咗10款食物，好快就食晒落肚了。總括而言，餐廳嘅食物特別，而且好多食物嘅名稱都以四字為名，可見餐廳非常有心思，而且坐得非常舒適，實在是約埋三五知己談心嘅好地方。