暮舍 (已結業)

記住一定要book咗先至好去，我平日去都已經好滿，因為佢嘅座位都唔算好多，大概有七至八枱左右，又有露天嘅範圍，非常之舒服。店員嘅服務態度都非常之好，嘢食就更加唔使講。我同朋友叫咗:黑松露意大利飯(HKD$108)松露味強得嚟唔覺得太濃，意大利飯都幾煙靭。蒜香辣椒蜆肉意粉(HKD$98)蜆肉鮮得嚟又帶有辣味，唔係好濃烈嘅辣，我覺得唔食得辣嘅朋友都可以試一次，因為都算易入口嘅。朱古力棉花糖奶蓋牛角包窩夫(HKD$68)呢個真係要試，聽落好似有好幾樣嘢食，但係食落去嘅口感好特別，有牛角包嘅煙韌，窩夫嘅脆，配合埋棉花糖嘅黏力，真係連唔唔係好鍾意食甜品嘅朋友，都覺得非常好食。雖然好肥，但係一次半次嘢有乜所謂啊。每人埋單只需要HKD$240左右，因為我哋仲每人叫咗兩杯嘢飲。