影片
更多
2021-12-22
42 瀏覽
雖然呢間舖頭唔係地舖，個老闆又唔係老人家，但係呢間叫Little Vegas嘅舖頭絕對係充滿人情味！首先，因為我打極個booking 電話都唔通，所以我同朋友walk-in，然後因極口渴關係，我問老闆可否俾杯水我飲，飲完一杯，再加水飲多杯！老闆都冇托我手踭！再然後，我心諗反正都要叫一份食物+一杯飲品(最低消費)，咁我叫定杯飲品，企响出面飲囉！點知等咗9個字，就快到我時，老闆同我講，頭先杯野飲當請我飲，叫我另外要叫多杯野！勁好人！另外，我朋友見我有免費飲品，佢都想要，問吓個靚女侍應生，佢又勁好人咁話請我哋食雪糕！最好笑係，靚女侍應生知道我哋係mirror fans, 將佢珍藏嘅相air drop 俾我哋！最後，佢因為整多一份心太軟，又請埋我哋食！我係第二次嚟呢間舖頭幫襯，講真，d野真心好食，尤其pizza。雖然係薄批，但係個餅底極脆，好好味！不過，size 唔係American size，同男仔朋友嚟食，佢哋可能未必夠飽～ 呢間舖頭嘅老闆同侍應生都好好人，我會再去食架！！！
首先，因為我打極個booking 電話都唔通，所以我同朋友walk-in，然後因極口渴關係，我問老闆可否俾杯水我飲，飲完一杯，再加水飲多杯！老闆都冇托我手踭！再然後，我心諗反正都要叫一份食物+一杯飲品(最低消費)，咁我叫定杯飲品，企响出面飲囉！點知等咗9個字，就快到我時，老闆同我講，頭先杯野飲當請我飲，叫我另外要叫多杯野！勁好人！
另外，我朋友見我有免費飲品，佢都想要，問吓個靚女侍應生，佢又勁好人咁話請我哋食雪糕！最好笑係，靚女侍應生知道我哋係mirror fans, 將佢珍藏嘅相air drop 俾我哋！最後，佢因為整多一份心太軟，又請埋我哋食！
我係第二次嚟呢間舖頭幫襯，講真，d野真心好食，尤其pizza。雖然係薄批，但係個餅底極脆，好好味！不過，size 唔係American size，同男仔朋友嚟食，佢哋可能未必夠飽～
呢間舖頭嘅老闆同侍應生都好好人，我會再去食架！！！
張貼