海灣茶居 (已結業)

路過上堂，落堂好肚餓，見到餐牌幾啱食，裝修新淨，所以入去坐。個餐配搭幾好，叫咗個义燒飯，個餐連白飯同綠豆沙；我覺得綠豆沙呢個idea好貼心，適合夏天，等大家清熱，好味，又等大家唔洗再走出去食多個糖水，一個餐已有哂。個叉燒飯，肉質鬆軟，肥瘦適中，有蜜汁味，仲有少許燶邊位，啱啱好。另外，仲叫咗個「豉椒炒卜卜蜆」送飯，幾好食，啲蜆幾鮮無沙無壞無臭，蜆都唔算細隻同份量OK粒粒都有蜆，食落都好有鮮味噴汁，值得推介！！總括嚟講，呢間野都幾值得一試 ，餐牌選擇多，食物OK，坐得舒服，又無時間壓力。