影片
更多
2013-04-19
15 瀏覽
日式放題在香港真係好 HIT，今日朋友帶了去一寿司放題，其實我本人覺得市面上除左有幾間做得特別差之外其他的水準都係差唔多，但友人話呢間係新開好想試一試，咁銅鑼灣廣場呢個地點又係幾好同好方便，我哋就一行4人訂左枱好快就有位，一入去又係座無虛席，好多人但佢啲枱又set得一啲都冇迫迫夾夾的感覺，坐得好鬆動，整体環境一啲都唔似食放題的地方，幾好！藉得一贊！一開始就當然係黎個刺身併盤先，所有刺身都離不開新鮮二字，當中尤以甜蝦及海螺最鮮最甜，而香港人最愛點的三文魚刺身全部都係厚切的，咬落特別有質感同感受到嗰份肥美，大家由開始到埋單都叫左4-5個round甜蝦、海螺及三文魚刺身。滿足左食刺身呢個部份後，大家就點左啲煱物包括有廣島蠔味噌煱、韓風辛味三文魚頭煱及石煱豚角煮，嘩！三個都有佢自己出色之處，尤其是個廣島蠔真係好鮮甜蠔味好濃，大家真係連湯都飲哂，重叫多左添……大家好似有啲瘋狂…可能我哋都係愛食蠔所以呢個真係要推介推介。炸物方面我哋就比較小點，因為大家都怕熱氣同出豆豆，所以只點了秘製章魚小丸子，表面有少少脆但入面就軟身的小丸子都幾好味。有張menu叫”石火爐端燒”即係燒物，呢個亦係今日重點推介，成
一開始就當然係黎個刺身併盤先，所有刺身都離不開新鮮二字，當中尤以甜蝦及海螺最鮮最甜，而香港人最愛點的三文魚刺身全部都係厚切的，咬落特別有質感同感受到嗰份肥美，大家由開始到埋單都叫左4-5個round甜蝦、海螺及三文魚刺身。滿足左食刺身呢個部份後，大家就點左啲煱物包括有廣島蠔味噌煱、韓風辛味三文魚頭煱及石煱豚角煮，嘩！三個都有佢自己出色之處，尤其是個廣島蠔真係好鮮甜蠔味好濃，大家真係連湯都飲哂，重叫多左添……大家好似有啲瘋狂…可能我哋都係愛食蠔所以呢個真係要推介推介。炸物方面我哋就比較小點，因為大家都怕熱氣同出豆豆，所以只點了秘製章魚小丸子，表面有少少脆但入面就軟身的小丸子都幾好味。
有張menu叫”石火爐端燒”即係燒物，呢個亦係今日重點推介，成張紙有9樣我哋全都點哂，最最最有驚喜就係個蜜汁燒羊架及日本迷你甜番薯，羊架好大件亦燒到啱啱好，咬落啲肉汁流出黎嗰吓加埋蜜糖的甜味就好似去左 BBQ一樣，但當然响火路控制方面我哋自己就真係做唔到呢個啱啱好的較果，結果又係一叫再叫，食完再食，滿足致極！重有就係個迷你甜番薯又係必食之選，迷你size兩粒一串，真正日本甜薯的味道個番薯皮重燒到咬落煙煙韌韌，估唔到我個人表演食左雙位數12串……真係發揮為食小宇宙！順帶一提其實個雞腎、鹽燒雞翼同秋刀魚真係好好味，火喉又係啱啱好，呢個爐端燒師夫要多多表揚！贊！贊！贊！
最後重點左南瓜、番薯同蝦天婦羅、牛油炒雜菌、黑豚生姜燒、牛油炒野菜及蒜香三文魚骨腩，雖然大家都怕熱氣，但個天婦羅就就都要食先覺得自己係黎食左日本放題，面層的脆炸得很鬆化及很薄，點埋個醬汁其實就唔覺得熱氣，外脆肉軟的感覺又返黎，食食吓大家又停唔到口咁叫左兩轉……另外個黑豚生姜燒少得好好，切得薄薄的黑豚片配上露筍、什菌、洋蔥等……食落一啲都唔膩，實是必食之選！
飲品有汽水、啤酒、熱茶等，全部都係自助形式，唔洗成日叫住人加水加茶喇，食到飽飽哋重可以出去行吓當消化吓，另一個好處重可以睇吓其他人食緊咩，返到黎我哋又會叫黎食吓，有少少食酒店buffet的感覺。最最最後…..大家都食左杯 Frozen Yogurt 作為今日的完美 ending，雖然我哋冇將個menu所有食物都品嚐過，但大家都好滿足哋食左一餐環境舒適又美味的日本放題。
張貼
