美心西餅 (已結業)

餐肉，通常都係屋企無買餸，但又懶得落街嘅時侯先會出現喺飯桌上。今日經過美心餅店，見到個餐肉蛋包，細細個，外形幾特別，都幾吸引喎。平時見啲餐肉蛋包，啲餐肉同蛋多數會好似菠蘿油塊牛油咁打橫平放，夾喺個包中間，但呢個包嘅餐肉同蛋，係打戙插喺兩邊都烘到脆脆地嘅包中央，啲餐肉同蛋都切得幾厚。個包雖然未至於好脆口，但作為小食也是一個不錯的選擇。不過呢款包唔係間間美心都有得賣，我都係喺呢間美心同埋喺皇后大道中已經結咗業嗰間美心見過咋。