影片
更多
2024-04-10
2737 瀏覽
🔸歐陸套餐 西冷牛扒伴德國腸 $47 Salon steak and German sausage 配丹麥蘇加嫩滑炒蛋入到餐廳坐落，見全場座無虛席都爆滿嘅，叫咗個餐要等咗十二三分鐘先到有杯茶上，一個大碟就盛齊整個套餐，牛扒係一般茶餐廳標準，都喺一片薄切牛肉，並唔係扒房嗰啲厚切西冷牛排，件頭當然唔算大，煎得外表幾靚，入口有點韌，應該係用蘇打腌太過啦，完全無牛味，肉本身無味道，全靠個蒜茸醬汁勁咸起味。德國雞肉腸都算幾大條，只係滾水烚熱嘅，皮脆但肉就過咸。炒蛋分量只有一只蛋左右，食落完全無味，比唔上真正地道茶餐廳用混合幾國雞蛋並加鹽加鮮奶做出嘅炒滑蛋。丹麥蘇個名可能有啲卓頭，其實就係一片多士，麵包係用蘇皮做法，咬落成一絲絲麵包絲，有少許牛油味。不過個人反倒喜歡其他街坊茶餐廳就一件多士（大家樂起大集團會跟一磚貴價鮮牛油），顧客可以吩咐〝多士多油〞，服務到位嘅餐廳就會特別貼心為你多塗一些牛油在多士上，那食嘅既是豐富嘅牛油，更是地道香港人情味。份量就係噤多，十分鐘內就食完，難怪餐廳翻枱好快，觀察下平均20分鐘就可翻一次枱。最後當然有杯餐茶，我要咗熱鴛鴦，茶味唔夠香郁，啡味都無，比唔上其
Salon steak and German sausage 配丹麥蘇加嫩滑炒蛋入到餐廳坐落，見全場座無虛席都爆滿嘅，叫咗個餐要等咗十二三分鐘先到有杯茶上，一個大碟就盛齊整個套餐，牛扒係一般茶餐廳標準，都喺一片薄切牛肉，並唔係扒房嗰啲厚切西冷牛排，件頭當然唔算大，煎得外表幾靚，入口有點韌，應該係用蘇打腌太過啦，完全無牛味，肉本身無味道，全靠個蒜茸醬汁勁咸起味。
德國雞肉腸都算幾大條，只係滾水烚熱嘅，皮脆但肉就過咸。
炒蛋分量只有一只蛋左右，食落完全無味，比唔上真正地道茶餐廳用混合幾國雞蛋並加鹽加鮮奶做出嘅炒滑蛋。
丹麥蘇個名可能有啲卓頭，其實就係一片多士，麵包係用蘇皮做法，咬落成一絲絲麵包絲，有少許牛油味。不過個人反倒喜歡其他街坊茶餐廳就一件多士（大家樂起大集團會跟一磚貴價鮮牛油），顧客可以吩咐〝多士多油〞，服務到位嘅餐廳就會特別貼心為你多塗一些牛油在多士上，那食嘅既是豐富嘅牛油，更是地道香港人情味。
份量就係噤多，十分鐘內就食完，難怪餐廳翻枱好快，觀察下平均20分鐘就可翻一次枱。
最後當然有杯餐茶，我要咗熱鴛鴦，茶味唔夠香郁，啡味都無，比唔上其他用多種茶葉衝出來嘅絲襪奶茶，連大家樂大快活那些都比不上。
張貼
