影片
更多
2010-03-20
435 瀏覽
東涌已經少哩，東涌嘅村屋酒家更係第一次添，若非有舊同學住晌東涌，其實唔會入哩搵食，更加唔曉哩！哩到東昇樓，感覺好家常，因為個檔口就係晌村屋之中，亦係以村屋為鋪，兩層高嘅村屋，似係上居下鋪格局，超高樓底，無乜裝修，樸素得猶如開幾圍招呼朋友食餐飯咁。雖然位置唔近東涌港鐵站，但佢哋有專車，一call都幾快到，免費送入送出，所以都幾方便。講到餸菜，貴嘅可以食海鮮，平平哋嘅又有家常小菜，供應都係一般大路嘅小炒，無乜古靈精怪嘢。唔好期望餸菜哩到令人嘩一聲之類，樣樣都算係穩打穩紮咁，食小菜嘅價錢又幾親民，同大排檔差唔多，好似我哋大大細細都成12人，都係食咗七舊，你話喇，價錢算唔算大眾化。叫咗燒腩仔、糖醋魚、咕嚕肉、鹹魚蒸肉餅、勝瓜浸魚肚、煎魚餅……等等，送埋例湯西洋菜湯，多數都係一般酒樓常見到嘅菜式。咁晌所點嘅菜中，自己都有幾款菜覺得比較做得唔錯，包括：燒腩仔（皮脆，肥瘦相間，但肥肉比例上又唔算多）、勝瓜浸魚肚（一個大木盆上枱，裡面係一個銻盆，甚有風味，而且份量充足，勝瓜又幾清甜，湯頭又幾清甜）、煎魚餅（魚味濃）。老實講，成餐飯嘅餸菜的確普通咗D，但難得一班畢業咗成廿年嘅中學舊同學，帶埋佢哋嘅第二代
講到餸菜，貴嘅可以食海鮮，平平哋嘅又有家常小菜，供應都係一般大路嘅小炒，無乜古靈精怪嘢。唔好期望餸菜哩到令人嘩一聲之類，樣樣都算係穩打穩紮咁，食小菜嘅價錢又幾親民，同大排檔差唔多，好似我哋大大細細都成12人，都係食咗七舊，你話喇，價錢算唔算大眾化。
叫咗燒腩仔、糖醋魚、咕嚕肉、鹹魚蒸肉餅、勝瓜浸魚肚、煎魚餅……等等，送埋例湯西洋菜湯，多數都係一般酒樓常見到嘅菜式。咁晌所點嘅菜中，自己都有幾款菜覺得比較做得唔錯，包括：燒腩仔（皮脆，肥瘦相間，但肥肉比例上又唔算多）、勝瓜浸魚肚（一個大木盆上枱，裡面係一個銻盆，甚有風味，而且份量充足，勝瓜又幾清甜，湯頭又幾清甜）、煎魚餅（魚味濃）。老實講，成餐飯嘅餸菜的確普通咗D，但難得一班畢業咗成廿年嘅中學舊同學，帶埋佢哋嘅第二代，出哩見吓我哋哩班Uncle、Auntie，聚一聚兼食番餐，餓鬼之意不在飯啦！
張貼
