影片
更多
2022-09-13
5706 瀏覽
追月日，初十六。先去正門左方梯級上的櫃枱買飛。實體餐牌都係呢度攞嚟睇。一般大部分小菜$90，預設接近六至八人份量，所以望落好大碟。俾完錢會收到個號碼枱牌，自行棟去自己坐嗰張枱。自己出去拎餐具、碗。員工只負責賣餸飛、傳菜、完餐後清理。粥、飯任𢳂。𢳂粥去室內飯堂，粥煲得好綿滑帶淡淡白果香，好受食客歡迎，預備要排隊。室內外都有提供枱凳，自行攞位。室內長期迫爆，體感二五六度左右，預咗要企喺人哋坐緊張枱食完就攝位同預咗如三四人以下要同陌生人搭枱。室內主餐廳兩旁就係室外枱凳。當日爭秋奪暑，一有太陽冒出，室外就體感三十三四度，靠兩三把牛角扇、吊扇吹住當日戶外嘅暖風好過冇。好處：唔駛搭枱；唔駛感受背後等自己坐緊張枱嘅人眼神嘅無形壓力。三十幾度坐室外，夠凍汽水啤酒必備。七彩素拼盤——有齊酸齋、蠔油齋、素鮑片、素鵝、素雞、素叉燒、素魚片⋯⋯調味唔嗆喉，好快掃哂。豉椒炒田螺——本身都食過呢種素螺肉，甚至曾經買過自煮。cute cute哋係幾似，呢度豉椒炒濃味度都直迫大牌檔。竹笙扒四蔬——寧舍要$145，雖然竹笙相對貴價，但份量俾得十片八片又唔多啱道理。最唔抵食。食完唔好嘥咗啲景，建議行去入面行個圈，有廟、亭
追月日，初十六。
先去正門左方梯級上的櫃枱買飛。實體餐牌都係呢度攞嚟睇。
一般大部分小菜$90，預設接近六至八人份量，所以望落好大碟。俾完錢會收到個號碼枱牌，自行棟去自己坐嗰張枱。
自己出去拎餐具、碗。員工只負責賣餸飛、傳菜、完餐後清理。
白粥
60 瀏覽
0 讚好
0 留言
室內外都有提供枱凳，自行攞位。室內長期迫爆，體感二五六度左右，預咗要企喺人哋坐緊張枱食完就攝位同預咗如三四人以下要同陌生人搭枱。
室內主餐廳兩旁就係室外枱凳。當日爭秋奪暑，一有太陽冒出，室外就體感三十三四度，靠兩三把牛角扇、吊扇吹住當日戶外嘅暖風好過冇。好處：唔駛搭枱；唔駛感受背後等自己坐緊張枱嘅人眼神嘅無形壓力。
三十幾度坐室外，夠凍汽水啤酒必備。
七彩素拼盤
$90
135 瀏覽
0 讚好
0 留言
七彩素拼盤
$90
107 瀏覽
0 讚好
0 留言
七彩素拼盤
$90
105 瀏覽
0 讚好
0 留言
豉椒炒田螺
$90
167 瀏覽
0 讚好
0 留言
竹笙扒四蔬
$145
90 瀏覽
0 讚好
0 留言
食完唔好嘥咗啲景，建議行去入面行個圈，有廟、亭台樓閣、孔子像、荷花池，唔少中式打咭位。
牌坊附近備有室外停車場，據知免費。
附近就係流水響。本身搭城巴新線78x喺高埔落，對面馬路巴士站搭個去坪輋嘅綠頂小巴話喺雲泉落就嚟到。
張貼
