東湖海鮮酒家 (已結業)

有同事將要離開公司，我地晌呢間酒樓訂左張十四人檯飲farewell茶。我同四位同事先到，一出lift門口已經堆滿人，環境幾好地方好大，訂檯唔駛等而可以直接入座，因為無人帶位，我地問左兩個侍應先搵到，赫見我地被安排坐一張只放左十位既檯，我問部長(著西裝)呢張檯會唔會坐到十四人，佢用walky問接待員︰152號檯點坐十四人。我地就坐後過左一陣，佢就叫人換張大檯俾我地，即係將圓形檯面換上一張更大既，咁樣就剛剛好夠坐。雖然佢無講唔好意思，但都唔係黑口黑面咁對住我地。我地叫左52個點心︰蝦餃﹑燒賣﹑咸水角﹑炸雲吞﹑煎蘿蔔糕﹑炸奶皇飽﹑炸蝦卷﹑煎釀三寶﹑鮮蝦腸粉﹑叉燒腸粉﹑牛肉球﹑香蒜魷魚﹑珍珠糯米雞﹑水晶飽﹑南瓜餅﹑三樣唔同既菜﹑西班牙鮮蝦炒飯﹑紅豆沙﹑綠豆沙﹑楊枝甘露…大家都覺得樣樣都唔錯，無野唔好食。蝦餃同燒賣水準屬一般，同其他酒樓差唔多。不過要一提D腸粉，賣相唔係咁好，三碟都係捲得好難睇，但味道幾好；咸水角同炸雲吞好味，體積較細，一碟有四件；炸奶皇包就…都係普通奶皇包好食D。西班牙鮮蝦炒飯D蝦幾大隻，飯炒得剛好，有口感。我覺得糖水一般，紅豆沙好烯，綠豆較出色。其他點心都唔錯，感覺唔太油膩。