任你點車仔麵 (已結業)

車仔麵又叫嗱渣麵，由於看似製作簡單，所以車仔麵的餸係最見真章。任你點的餸菜款式豐富，有花膠（魚肚）、日式叉燒、手打墨魚餅等。咁今次試下佢就叫左牛腩、雞翼同埋手打墨魚餅。首先份量非常大，牛腩最有驚喜，居然唔係用平時車仔麵檔用的碎腩，而係真牛腩。你望落以為舊牛腩好似好硬，但食落去就會知道炆得入味，夠晒淋。而手打墨魚餅夠彈牙，有墨魚粒，基本上係必點之選。而瑞士汁雞翼都有正常發揮!最後提議大家要加自家製辣椒油，令碗麵的味道提升，配埋枝裝可樂就perfect池！