影片
更多
2017-01-16
6615 瀏覽
估唔到一餐團年飯食到咁谷氣，事先訂位，問定店員有乜餸要預定，佢話花錦鱔、雙皮奶同燉湯，咁問完家人就打電話去訂燉湯同雙皮奶，店員電話覆枱時都有講呢兩樣食品訂咗，到今日店員打電話比我確認訂枱都有講，去到坐底都有話有呢兩樣食物，咁再叫其他餸，點知要叫幾樣魚腸/炒鮮奶都無，講嘅時候又無講咁多食物要預訂！店員A小姐話呢啲要預訂，事先問又無講呢啲餸要訂，咁叫其他有嘅餸，見餸菜一樣樣到，個湯都未到，問負責我哋枱嗰位A小姐（佢啲店員無名牌架）好似唔知咁（比個天然呆嘅樣我睇），去問其他人先知，先有湯飲，食到尾叫佢上埋雙皮奶，佢又呆咗咁話無，我話訂咗架，佢問完苦瓜臉咁話乜機器壞咗，所以無雙皮奶（但較早前隔離枱叫雙皮奶（無預訂），我哋明明聽到另一店員話賣晒）咁好明顯講大話，我話咁訂來又覆枱都話有，機器都唔係其他人唔知壞架？話送番糖水比我，咁我可以點呢？做足晒要訂嘅嘢無晒，事前到到場都無講，令家人失望！咁預訂餸有乜意思？裝修新，座位好坐，食物好味，但服務混亂，菜單嘅餸想食話要預定，預定咗又無！好嬲！食物：野生天麻蟲草花大魚頭燉湯（$340）湯好清，足料，飲完真係暖身，連點湯料嘅豉油都有調較嘅，平時唔食湯料嘅我
裝修新，座位好坐，食物好味，但服務混亂，菜單嘅餸想食話要預定，預定咗又無！好嬲！
食物：
野生天麻蟲草花大魚頭燉湯（$340）湯好清，足料，飲完真係暖身，連點湯料嘅豉油都有調較嘅，平時唔食湯料嘅我都食咗啲順德酥炸蜆介鯪魚球（$88/例）外脆米粉脆口，鯪魚肉彈牙好香！蜆介醬好多蜆仔，唔會過鹹好味！醬料贏咗！
籠仔梅菜蒸菜心遠（$98）菜心嫩脆，梅菜碎甜甜地，兩樣撞埋好味！
生炒魚餅豬爽肉（$118/例）鯪魚餅仔彈牙，爽口爽口，醬汁鹹香！
金牌污糟雞（$320/1隻）錫紙包竹桶，雞肉嫩滑！醬汁唔會漿口！鹹香好味
椒鹽鮮魷（$128）炸漿唔厚酥脆，不過魷魚太厚！ok
金果腐竹翅湯浸勝瓜（$98）翅湯唔味精，絲瓜平時食有怪味，今次食到爽脆瓜肉但無怪味！白果飽滿！好味！
瓦罉蝦醬焗魚卜（$148/例）個瓦罉好大，例牌餸好少，不過魚卜好爽好彈牙，香濃醬汁好味！撈埋啲洋蔥配菜都食埋
白飯（$15）家人食
因為啲餸細碟，再加：
鄉下仔小炒王（$118）西芹爽，蝦乾有咬口又香！腰果脆！好味
手打鯪魚釀尖椒（$88/例）連唔食青椒嘅肥髀都話好味，鯪魚肉濃味，尖椒爽脆！
家鄉排骨蒸陳村粉（$88/例）呢個最後出場！陳村粉滑，索晒啲排骨湯香濃，真係食唔停口！
茶位$13、酸菜$30
講真食物唔錯，地方靚好坐，但以呢個服務無可救藥，無可能比讚
張貼
