饞。台式食堂 (廈門街)

營業中

休息中

餐廳：饞。台式食堂地點：灣仔廈門街菜式：台灣野餐牌：幾款麵食，飯同小食，台式飲品。剔紙落單。半筋半肉麵 $86湯底我揀左紅燒，仲可以揀麻香或者蔥燒。紅燒湯味道唔錯，完全唔油。半筋半肉麵有牛肉三舊，算腍而啖啖肉；牛筋三件，骨膠原感重，入口即溶，好入味。個麵可以揀刀削麵或者陽春麵，我揀左刀削麵，份量適中而口感滑溜之餘又有咬口。配有唔少生菜，好多甜甜地既鹹菜，另外灑上蔥花，蔬菜份量多。滷牛筋 $52滷牛筋有一碗滿，足有7件，滷得好入味，質感又滑又重骨膠原，好正，食完把嘴張住。上面灑上蔥花。肉燥青菜 $25肉燥青菜大大碟，係生菜面頭加上好多淋淋肉燥，健康好味。溏心蛋 $10溏心蛋係原隻，面頭加上蔥花。芋香珍珠奶茶 跟餐加$19芋香珍珠奶茶叫左凍，原來下底係暖，靠上面冰塊令杯野飲凍。下底有好多珍珠，非常煙韌有咬口，食極都有。芋香味可以，伴有淡淡茶味，後期味道就較淡。食物質素都可以。餐廳裝修光猛新凈，座位及格。