燒烤堂 (已結業)

近年港鐵黃埔站通車後，紅磡黃埔區既小食店愈開愈多，食物既款式更加多姿多采。有鑒於此，前日收工黎同朋友去左黃埔區搵食，朋友介紹下去左呢間叫燒烤堂既串燒店，店鋪細細，心諗應該未必好食，但試完幾款串燒後，確實值得介紹。1. 鰻魚蛋卷價錢相對較一般日式蛋卷較貴，始終用左成本教為高既星鰻材料，但味道非常特別，好的蛋卷溫度要適中，一般要翻煎最少6-8層先有一定口感，燒烤堂果然無令我失望，厚厚既蛋卷中夾著飽滿既鰻魚肉，肉香蛋味濃，一試難忘。2. 炒雜菌煮法與一般自家炒制既雜菌無分別，但廚師能夠炒得乾身之餘，仍有一定口感，唔錯。3. 串燒牛舌及廣島蠔一般串燒店會預先將部分串燒先煮成五分熟，待有柯打時用高溫燒烤煮至熟透，再送予客人枱面；然而燒烤堂剛以即叫即燒方式烹調，厚身的牛舌經高溫燒煮後四邊微脆，表面香脆牛舌芯則軟淋，而廣島蠔加上蒜蓉燒香，雖然尺寸不是最大款式，但仍可以一口放入嘴中品嚐，質感幼滑飽滿，怪唔得每位客人都一定叫。4. 稻庭烏冬最後友人亦叫了稻庭烏冬飽肚，腐皮甜口，烏冬有咬口，味道可接受。另外，店員既態度亦非常有禮，佢仲會推介是日特別串燒供客人選擇，埋單亦會主動問你食品質素及樂意聆聽客人意見