滿福庭

營業中

休息中

通常有得三兩個朋友約埋一定會話去飲茶，今日我哋便去APM附近嘅滿福庭，就算朋友四方八面過來都無問題，夠哂集中。一坐低兩個朋友都好似好餓個個爭住叫自己鍾意食嘅野，我當然都唔執輸叫番一兩款。開動啦！。。。豉香蒸排骨梗係必叫之選，粒粒都係肉排仲好入味；香煎蘿蔔糕配上辣椒醬，外表煎得脆脆，入面就軟糯而且蘿蔔又香；七味炸魷鬚夠哂香脆惹味；虎皮釀尖椒本身尖椒會帶少少辣辣地，鍾意食辣就一定會話正；潮州蒸粉果，餡料好足而且花生仲仍然係脆；欖菜肉崧四季豆，肉崧好惹味同四季豆真係好夾，可惜我晏晝唔多想食飯如果唔係一定要碗白飯送哂啲肉崧；我哋仲叫過個海底椰雞腳炖湯潤一潤；差啲漏左甜品焦糖燉蛋布甸，大家一定唔可以唔食，超正但太好味無影相，今日真係叉足電一陣去shopping都無問題。