名館 (已結業)

今日想食上海菜，唻到都希慎8點，名館唔需要排隊，就入去試吓。呢間餐廳除咗上海菜仲有點心食。担担麵個麵好彈牙，微辣。如果有麻醬就再好食啲。梗係有嗌小籠包，夾起唔會爛，證明個皮好煙韌。小籠包皮薄，而且有滿滿嘅湯汁，好食，一籠有五粒。胡椒魚頭煲十分足料，有成個魚頭，魚頭好有鮮味。除魚頭之外，裏面有菇同水晶粉，好飽足。湯底有啲胡椒味，飲咗好多碗。黑椒安格斯牛柳粒，薯仔同牛柳粒都好有黑椒味，好惹味，但係牛柳粒數量有啲少。總括而言，啲嘢食都幾好味，不過唔係好夠侍應，服務一般。