家後2.0

營業中

休息中

家後2.0 既裝修更有溫馨小店既感覺，而且仲有洗手間~ 今次主要食灼餃! 叫左韭菜豬肉餃拚雲耳椰菜豬肉餃。餃子大大粒，好足料，咬入去都係餡料，仲要好juciy，要小心爆汁! 韭菜豬肉好重韭菜味，肉既比例剛好，唔會搞到太油膩。芹菜豬肉餃食落感覺比較清新D。個人都幾推介菠菜豬肉餃，呢款又係爆汁，入面菠菜唔會煮到淋曬。食灼餃一定要叫埋佢既豬骨湯上海面，湯底清淡但夠曬味道，唔會過咸搞到好口乾。另外，仲有跟埋是日燉湯，都係好足料，好有呀媽煲住家湯水咁，冇味精既感覺! 食餃子就想配熱豆漿，甜甜地，好飲!有趣既係食餃子既地方，係有得飲咖啡，鐘意既朋友唔好錯過啦! 今日遲左黎，馳名既cheesecake已經賣曬! 希望下次食到啦!