餃掂手工餃子雲吞專門店

小店主打既餃子，每日店內新鮮手工包製，款式選擇好多，除左傳統味道既餃子，仲有幾款自創新口味，煮法可以揀煎餃或湯餃，甚至買生餃子，帶回家自己煮。玉蟹雲吞皇(5隻)：一口咬落去，爆左D蟹籽餡料出嚟，仲有蟹肉和大蝦，肉質甜美，口感好Juicy。竹昇米線：米線質地較彈牙，配搭雲吞食，簡直係絕配。餃子麵(6隻)：皮薄餡多，雲耳椰菜同鮮肉比例啱啱好，食落好鮮甜；麵質地較軟身。至尊松茸豬肉餃 (8隻)：松茸係菇中之皇，擁有獨特濃郁既香味，而且營養價值豐富，果然係鎮店之寶。狀元九鼎湯：用左美國蛇果(蘋果)、生魚、無花果、准山、豬尾骨煲，真材實料，不含味精 ，感覺更健康。山楂雪梨水：小店自家製既飲品，酸酸甜甜好開胃。總結，餃子全部都好足料，大隻又扎實，香港製造既良心小店，絕對值得支持。