Mina House (已結業)

成日都好想食甜品放題，但又無好岩心水，而且成日想忍下先，但今日上到黎終於忍唔住，想係山頂享受下放假嘅感覺，選擇都好足夠，每樣試下都一定會飽同夠皮其中最愛係檸檬芝士撻，好香檸檬味，外皮鬆軟，內裡香滑，配合完美，清新到食兩三件都無問題兩件咸點，係朱古力鬆卷，有層次感，朱古力味都好夠，分量亦剛好巧克力燕麥曲奇，比某連鎖店做得更平衡，甜味香味調配得好，內心較軟，外皮又脆，好食蛋糕方面粟子最好食，抹茶個款都好香，其他都係比較甜身，要注意拎嘅份量伯爵寒天好香茶味，顏色同配搭都好特別，賞心悅目竹炭焦糖拿鐵第一下覺得好甜，但原來混合後味道係剛好，而且咖啡啫喱味道好足，都令杯野飲多左層次亦不失香滑