Nomads (已結業)

今晚行街行到尖沙咀附近，夜晚唔知食乜好，於是就上網睇吓有咩好介紹。咁啱呢家餐廳有做半價優惠，仲要係自助餐任食，主要食嘅係蒙古菜，於是就試一試。入到去發現大部份食物都同普通自助餐無乜分別，比較特別嘅有呢個燒雞腿同燒排骨，排骨既肉唔硬，雞腿有咖喱味，食得出應該煮左好耐先有呢個味道。如果素食嘅人士可以試吓呢個素春卷，裏面有好多種唔同嘅蔬菜，味道好豐富。另外仲可以自家製薄餅同埋有炒粉麵飯，可以自己加唔同嘅配料同醬汁落去，最特別嘅就係有成吉思汗醬汁，即係蒙古式醬汁，感覺有少少辣，首次嘗試感覺不錯。