影片
更多
2018-08-26
980 瀏覽
今次肥妹仔同朋友揀左間主打做俄羅斯菜既西餐廳食飯。依間鋪係上樓鋪，環境清靜，而且坐位都好闊落，可以俾我同朋友邊食邊靜靜地傾計。餐廳仲擺左一系列figure 既collection做裝飾，門口位置更有俄羅斯既傳統公仔配合餐廳主題，佈置方面都落左一番心思。強力推介羅宋湯~~羅宋湯係餐廳既主打拿手菜，亦係促成依間餐廳開既原因。店主既爸爸係50年代著名羅宋湯餐廳既大廚，希望藉店可分享到最正宗既羅宋湯俾食客。我係羅宋湯既愛好者，現在真係好少地方可以飲得到正宗味道既羅宋湯，街外餐廳有一些做法一係湯太稀太淡，一係就太辣。而今次依間果然無令人失望，湯既濃度剛剛好，少少杰身唔會太稀，味道帶有一點點既微辣但又不過份搶喉，整體都調配得剛剛好，非常惹味，係羅宋湯fans的話值得唻試試喔。蝦多士另外嗌左份蝦多士，炸得好鬆脆，薄薄一口，再配埋自家製既酸菜，可以中和返炸物既油膩感。俄羅斯牛柳飯俄羅斯牛柳飯，個醬汁調配得好好味，唔會令人覺得成口味精，撈飯一流，我們食到一粒飯都無剩到。俄式串燒牛柳配上沙律牛肉烤得剛剛好，好嫩滑。這晚每一道餸菜都食到廚師精心烹調既心思，而且餐廳既service亦非常好，waiter細心有
今次肥妹仔同朋友揀左間主打做俄羅斯菜既西餐廳食飯。依間鋪係上樓鋪，環境清靜，而且坐位都好闊落，可以俾我同朋友邊食邊靜靜地傾計。餐廳仲擺左一系列figure 既collection做裝飾，門口位置更有俄羅斯既傳統公仔配合餐廳主題，佈置方面都落左一番心思。
強力推介羅宋湯~~
羅宋湯係餐廳既主打拿手菜，亦係促成依間餐廳開既原因。店主既爸爸係50年代著名羅宋湯餐廳既大廚，希望藉店可分享到最正宗既羅宋湯俾食客。
我係羅宋湯既愛好者，現在真係好少地方可以飲得到正宗味道既羅宋湯，街外餐廳有一些做法一係湯太稀太淡，一係就太辣。而今次依間果然無令人失望，湯既濃度剛剛好，少少杰身唔會太稀，味道帶有一點點既微辣但又不過份搶喉，整體都調配得剛剛好，非常惹味，係羅宋湯fans的話值得唻試試喔。
蝦多士
另外嗌左份蝦多士，炸得好鬆脆，薄薄一口，再配埋自家製既酸菜，可以中和返炸物既油膩感。
俄羅斯牛柳飯
俄羅斯牛柳飯，個醬汁調配得好好味，唔會令人覺得成口味精，撈飯一流，我們食到一粒飯都無剩到。
俄式串燒牛柳配上沙律
牛肉烤得剛剛好，好嫩滑。
這晚每一道餸菜都食到廚師精心烹調既心思，而且餐廳既service亦非常好，waiter細心有禮待人，配上美味既食物，相輔相成，此餐十分滿足。
張貼
