影片
更多
2013-09-17
1447 瀏覽
依家年年中秋節，都唔會主動買月餅，一來唔使買嚟送禮，二來老婆對月餅一般，尤其傳統蓮蓉餡嗰款。不過，今年似乎有少少月餅運，首先就喺出席咗「開飯喇！」個「開飯搶鮮試！水果月餅大比拼」試食活動，跟住就無啦啦收到唔少「餽贈」，有嚟自食友，有嚟自朋友，有嚟自老婆嘅朋友，亦有嚟自老細嘅朋友……等等，總之讓小弟一下子有機會試到唔同店家，唔同品牌，唔同特色嘅月餅。君蘭，麵包、凍餅就食得多，因為屋企附近西鐵站就有，今次有機會試到君蘭嘅月餅，實在多謝食友厚愛，雖然只喺一件迷你裝月餅，但已收到好友嘅心意。君蘭月餅依印象，應該第一次食，雖然君蘭除麵包、西餅外，一向都有做埋唐餅，不過月餅方面，唔覺君蘭晌市場嘅表現好突出，宣傳攻勢唔多，見過吓佢早前做過團購。所以收到食友依份小心意，趁路經西鐵君蘭都「專燈」入內睇睇，基本嘅蛋黃白蓮蓉、蛋黃黃蓮蓉就鐵膽啦，仲有呂宋芒果、瑞士朱古力、桂花豆沙、蛋黃黑芝麻、牛奶杏仁、紫薯、香辣牛肉、九製陳皮蓉、醉人櫻桃蓉、紫菜肉鬆……古靈精怪，各式其式，真喺可見啲做餅師傅幾大壓力，年年都要絞盡腦汁諗啲月餅新口味。迷你茉莉花茶月餅 $15（原價$16）君蘭標榜自己晌香港自置廠房製造，保證新
君蘭月餅依印象，應該第一次食，雖然君蘭除麵包、西餅外，一向都有做埋唐餅，不過月餅方面，唔覺君蘭晌市場嘅表現好突出，宣傳攻勢唔多，見過吓佢早前做過團購。所以收到食友依份小心意，趁路經西鐵君蘭都「專燈」入內睇睇，基本嘅蛋黃白蓮蓉、蛋黃黃蓮蓉就鐵膽啦，仲有呂宋芒果、瑞士朱古力、桂花豆沙、蛋黃黑芝麻、牛奶杏仁、紫薯、香辣牛肉、九製陳皮蓉、醉人櫻桃蓉、紫菜肉鬆……古靈精怪，各式其式，真喺可見啲做餅師傅幾大壓力，年年都要絞盡腦汁諗啲月餅新口味。
迷你茉莉花茶月餅 $15（原價$16）君蘭標榜自己晌香港自置廠房製造，保證新鮮衛生，而月餅選用頂級湘蓮同一級蛋黃製作，食過先知。獲贈喺一小個迷你茉莉花茶月餅，細細個啱晒我一試嘅心態。橫切一刀，外皮果然皮薄，茉莉花茶月餅喺無加入蛋黃，不過由於蓮蓉唔算甜膩，加上又有一朕茉莉花香味，味道不錯。當你以為以花茶入饌，理應相對健康，但喺睇睇包裝袋後所印嘅成份，茉莉花香味源自茉莉花茶粉、茉莉花香精，以及加咗色素、防腐劑……等等，就明白點好食都好，少食為妙啦！
橫掂去開君蘭，無理由唔為老婆著想架！君蘭所賣凍餅款式唔多，寥寥無幾，就順手買嚟一件慕絲蛋糕，朱古力味就最啱佢，俾佢當宵夜。
特濃朱古力慕絲蛋糕 $15（原價$16）整伴蛋糕結構一望就知，朱古力海綿蛋糕夾朱古力慕絲，一層疊一層，再加朱古力漿就成事。由於成件蛋糕都喺單一以朱古力味製作，故此朱古力味果然好濃郁，首先海綿蛋糕不俗，挺鬆軟，而慕絲亦都幾柔滑，只喺面層嘅朱古力漿有啲「快溶掉」嘅感覺。以$15一件計，性價比絕對高，抵食！
我就多謝食友，老婆就多謝我啦，收禮物故然開心，送禮嘅一樣可以好開心，因為我覺得件月餅唔錯，老婆又覺得件蛋糕好食！
張貼
