鮨見 (已結業)

一直都好想試omakase, 由師傅負責食物，襯今個月出左雙糧，晚上就走去尖沙咀呢間鮨見試下。環境好舒服，店員很有禮貌，而為我準備料理既師傅係日本人，我就點了一個套餐（見）。食日本野睇住師傅慢慢即制即食確係一種享受！前菜：係八爪魚配上甜甜的醫料，令八爪魚很惹味再加上本身八爪魚好彈牙，比超市賣既八爪魚完全不是同一個檔次！魚肝鵝肝就食得多，但係魚肝還是第一次試，同樣地入口即溶，但沒有油膩感，非常有驚喜！茶碗蒸蛋既表面蒸得好平滑，入口好嫩滑，感覺比豆腐更滑。北海道白子雞子就食過，白子就真係第一次食，唔需要太多既調味，但口感已經非常鮮美！深海池魚師傅其中兩片用火槍燒個表面，聞到有好香既味道，兩片比較軟身爽口，而燒個既另外兩片係口感好實在但仍然好鮮美。北海道鮑魚爽口鮑魚配上特色醬料，用呢個醬料撈飯味道一流。北海道帶子拖羅壽司火炙拖羅夾住帶子，火炙拖羅入口即溶，再配上超新鮮既帶子，滋味無窮！海膽杯全晚最吸晴，滿滿既北海道海膽鋪係已調味既飯上，加埋魚子同wasabi，口感多重、味道豐富。甜品係超甜超多汁既靜岡蜜瓜！