陳意齋

營業中

休息中

某日喺office同同事吹水講起陳意齋，話蝦籽紮蹄好好食，咁岩今日過開黎就買黎上朋友屋企試下啦買左2條紮蹄，一切開已經發現有勁多蝦籽喺入面，吉一舊放入口先傳來少少豆味，腐皮口感滑溜，唔會好似之前喺其他齋鋪買嘅紮蹄咁實咁硬同乾身，之後傳黎蝦籽嘅香味，每食完一舊都會覺得口腔入面仲留存大大陣蝦籽味。除左蝦籽紮蹄之外，我仲買左包蝦子花生，諗住拎黎睇波一流，fit晒今晚睇歐聯決賽。未開波就梗係先偷食，粒粒脆口又有蝦子味，正~! 不過感覺比較熱氣，有朋友食左幾粒之後已經話feel到好熱氣，不過我都係冇停口，熱氣咪之後飲涼茶囉。PS: 敬請大家食蝦籽紮蹄嘅時候千萬要小心，好似我咁切開一舊舊之後拎黎食的話，D蝦籽好易跌到周圍都係，點解我會知? 你明啦。