天山小館 (已結業)

從來都未食過新疆菜，踏入呢間餐廳，佢嘅裝橫同餐具，已經令人感覺好有民族嘅味道。嘢食有好多選擇，特別係羊肉類。老闆娘好熱情同詳細咁講比客人聽唔同菜式嘅羊味濃淡度，以便我哋可以按照自己可接受嘅程度去選擇羊類嘅食物。由於有朋友唔太接受到羊羶味，所以我哋就叫咗個羊肉餡餅試吓先。呢個羊肉餡餅真係好有驚喜，皮又薄又脆，入面嘅羊肉加咗洋蔥好香，就連唔食羊嘅朋友都忍唔住試一啖，而且覺得好好食。另外要大讚嘅係佢呢個招牌咕嚕肉，炸得好脆，冇乜粉，個汁酸酸甜甜，好開胃。由於食咗佢個咕嚕肉覺得好正，所以忍唔住叫埋個士多啤梨骨，好特別，好清甜。最後要講一講佢呢杯洛神花茶，夏天飲，消暑一流。