Lab Made 分子雪糕專門店 (已結業)

一直也想試食LAB MADE，無奈地長期都逼滿人，仲記得對上一次想去尖沙咀分店試下，但多人到諾士佛臺成條樓梯都塞滿人，排都唔想排是次路經東港城分店，因閒日關係，客人不多，可以買杯試試了 而且附近有企位，可以堂食。店鋪內的分子雪糕餐牌會定期更新，務求給客人新鮮感。是次以糖水為主題，有奶醬多、杏仁蛋糕、腐竹雞蛋糖水等選擇，今次點了腐竹雞蛋糖水，不過價錢唔平，要成40幾蚊一杯。腐竹雞蛋糖水分子雪糕，上面仲放了2粒白果作裝潢，入面真係落足料，啖啖好似食緊真的糖水，間中還吃到腐竹絲，不過份量太細杯，幾啖就無。雖然價錢較貴，但都值得食~下次會再試埋其他!